燒玻璃?焊玻璃?

怕火!怕熱!這兩原因很多時會令想接觸玻璃藝術的朋友卻步!的確,較普遍被認知的製作技巧如燈工燒製或吹製玻璃等,都須較近距離接觸火或熔爐。 但其實玻璃工藝仲有好多技巧架,怕火怕熱的朋友,還有很多選擇呢!^^ 鑲嵌玻璃 - 早期常應用於教堂窗戶上,拼合不同的彩色玻璃,透過陽光照射反映各種色光,非常美麗! 當然,我地未必會o係屋企整甘大個窗啦!不過...大有大整!細有細整!細到應用o係小首飾上,一樣ok既! 唔用火,甘用咩? 用......雞!唔係食果D~係俗稱"辣雞"既電烙鐵! 將預備好既玻璃片既邊沿包上銅箔,併合後再用電烙鐵將焊料點上焊接好,過程有點似焊電路板,完成後清洗乾淨抹上保護油就OK架啦! 今個聖誕帶自家製玻璃飾物仲唔閃爆全場? Some Thingsss 玻璃學堂不定期"出產",開心share 玻璃小知識! 想試下玩鑲嵌玻璃既朋友可以電郵我地查詢架^^

“喳”一聲的玻璃

上回講到玻璃工藝牽涉到冷縮熱脹的原理要小心照料,唔係佢就"爆比你睇!" 唔係誇大架,有時D小碎片真係可以飛得好遠,所以預熱玻璃條既時候,我通常都要求同學慢D慢D再慢D,大家黎玩要開開心心,彈到人就唔好啦! ^^ 話雖如此,只要運用得好,缺點同時可以係優點,之後就再變成特點啦!呢D係咪語言藝術呢~ 就好似圖中既玻璃碎甘,就係利用左呢個原理! 首先,預備水杯一隻,水適量,再加玻璃一兩支,然後開火...(甘似教煮餸既~~) 打鐵趁熱!將加熱左既玻璃,放入水中急速冷卻。 "喳"一聲......D玻璃就會炸到好似圖入面甘架啦! 放心!玻璃o係水入面炸開並冷卻左,係唔會彈出黎整到人既! D玻璃碎有D似曾相識?無錯啦!玻璃學堂第一回的玻璃碎就係甘黎架啦!好玩呢? Some Thingsss 玻璃學堂不定期"出產",開心share 玻璃小知識! 想試下燒玻璃既朋友可以電郵我地查詢架^^

玻璃用的貓砂?

「嘩!呢d貓砂黎架?」已經不下數次同學直指桌上幾盤粒粒問道,表情驚異程度有如在叉燒包中發現魚旦,明顯的讓我感受到貓砂是不應放在桌上的!(好吧!我承認表情形容得誇張了點XD) 首先,我要表明這些絕對不是,也不能作貓砂用,這些粒粒質感鬆脆,讓我家的胖貓一踩,絕對會一下子化為灰燼,所以大家千萬不用嘗試! 那到底是什麼呢? 嗯...謎底要解開了! 其實這些粒粒是用來比燒完既玻璃降溫既,唔係等佢快啲凍,相反,係要減慢佢凍既速度,等佢慢慢嘆! 點解?燒玻璃其中非常講究既一點,就係要溫度平均,當中牽涉到冷縮熱脹的原理,如果比玻璃其中一部份先冷卻佢縮細既時候就會拉扯未凍既部份而令到玻璃爆裂或出現裂痕。 所以為左令玻璃整體有平均的溫度,我地就要減慢佢既失溫速度,於是就有協助減慢降溫既物料出現啦,而降溫物料種類繁多,圖中的降溫粒粒就是其中一種! 話說回來,我覺得貓砂這說法非常有創意,於是畫了兩隻"方便"中的貓貓作陪襯,畫功還不賴吧! Some Thingsss 玻璃學堂不定期"出產",開心share 玻璃小知識! 想試下燒玻璃既朋友可以電郵我地查詢架^^